110276-crumpled-paper-icon-social-media-logos-rss-cube

Uns ‘sugirem’ as medidas a implementar e outros competem em ser avantajados valedores do seu desenho e aplicaçom. Algo assim se poderia dizer do tándem existente entre La Voz de Galicia e PP e PSOE em matéria de desenvolvimento do controlo e a penalizaçom social. Trás a campanha lançada recentemente polo rotativo corunhês, a aprovaçom de medidas e ordenanças ‘cívicas’ prolifera por toda a parte. O último em tomar cartas no assunto é o PP corunhês. O grupo municipal do partido ultraespanholista entra em difícil competiçom com o PSOE na aprovaçom de medidas para, segundo asseguram, “combater o vandalismo urbano”. Considera o PP que é precisa umha “estratégia local” e umha “soluçom urgente” para acabar com o gasto de 2 milhons anuais que, segundo Fernando Rodríguez Corcoba, supom a indefinida secçom de ‘actos vandálicos’. Competindo em dureza com o PSOE, o Partido Popular aposta por multas fortes e trabalhos sociais forçosos. O porta-voz municipal e as concelheiras Rosa García Meiriño e Cristina Goás riscam as citadas cifras de “arrepiantes” e realizam comparaçons com outras cifras do orçamento municipal e cidades do Estado. Como medida resolutiva, @s representantes do PP –que incluem o exercício da liberdade de expressom no apartado ‘vandalismo urbano’- apostam na redacçom “imediata” de legislaçom que permita a imposiçom de graves sançons económicas aos autores de condutas tipificadas como delitivas e, no caso de serem menores, aos seus progenitores. Frente a fenómenos urbanos que som consequência directa do sistema sócio-económico actual, as suas injustiças estruturais e os modelos neoliberais de desenvolvimento urbano, tanto PP quanto PSOE e BNG agitam a penalizaçom extensiva da sociedade, rivalizam em vocaçom punitiva e aparcam a aplicaçom de qualquer medida sócio-educativa e comunitária capaz de reconstruir um mínimo tecido social. A aposta pola vigiláncia e a mao dura som as estratégias que, com matizes secundários e procurando idênticos objectivos eleitorais, defendem os três partidos assentados no Hórreo.
 
Teimudamente Alçadas!
teimudamente_alzadas
Manual de Segurança para Ativistas
manual_segurana_2015
O Teito é de Pedra
mostra_capa
Lei de Segurança Cidadá
LSC_2014web
Endereços d@s Pres@s

raul_web

edu_web

teto_web

Atópanos nas redes sociais



feisbuk

banner_numero_conta_2014