24/10/2011 - Militantes independentistas de Vigo venhem de denunciar ante Ceivar a acossa à que as e os jovens activistas da comarca se vem submetidas por parte da polícia espanhola. Seguimentos, identificaçons e registros injustificados (e, portanto, ilegais) venhem intensificando-se nas últimas semanas contra moças e moços de ideologia independentista.

09/12/2010 - Por quinto ano consecutivo Ceivar organiza a tradicional marcha aos cárceres onde estám recluídos os presos independentistas galegos para reclamar a sua liberdade.

09/12/2010 - A Plataforma, que nasceu no ano 2006 para reclamar a aplicaçom de direitos civis e penitenciários e denunciar a sua vulneraçom nas pessoas dos presos independentistas galegos, anunciou a convocatória da III Festa pola Liberdade.

25/11/2010 - O Organismo Popular Anti-repressivo anuncia a convocatória de concentraçons solidárias para a sexta-feira 26 de Novembro com motivo do dia de jejum mensal que vai desenvolver o Colectivo de Presos Independentistas Galegos (CPIG) à última sexta-feira de cada mês em reclamo das seguintes reivindicaçons: o reconhecimento da sua condiçom de prisioneir@s polític@s; o reagrupamento dos membros do CPIG num mesmo cárcere; o fim da ilegal política de dispersom, o traslado a umha prisom em território galego; a melhora geral das condiçons de vida na prisom, alimentaçom, higiene, atençom sanitária, comunicaçons; o cessamento do actual regime de reclusom aplicado nos centros de menores.

25/11/2010 - Os presos indepedentistas Santi Vigo e José Sánchez serám dispersados no dia de hoje para as prisons espanholas de Palencia e León respectivamente. Para instituciones penitenciarias o translado estaria motivado pola sua negativa a compartir cela, a aplicaçom de diversos artigos sancionadores que os mantem no isolamento permanente e o seu passo ao regime de primeiro grau.