04/08/2010 - Esta crónica abrange também os dias prévios ao Dia da Pátria. Dias, que nalguns casos fôrom semanas, nos que o nosso País se viu especialmente ocupado por unidades policiais e militares. Dias nos que o governo do PSOE impuso um velado estado de excepçom a boa parte da populaçom galega, especialmente selectivo e violento com as bases nacionalistas e independentistas que convocavam, realizavam ou celebravam o Dia da Pátria Galega. Estado que significou provocaçom, humilhaçom, violência e chegou até a vulneraçom de direitos fundamentais e discriminaçom ideológica de pessoas e entidades por parte do PSOE através das forças de ocupaçom ao mando de Antom Louro.

21/07/2010 - Se na passada semana companheiros do organismo em Vigo comentaram o boitcote da polícia municipal a umha campanha pola liberdade dos presos independentistas galegos, perto de vinte faixas foram sustraidas no conjunto do município, hoje companheir@s desta localidade voltam denunicar coacçons e mesmo a sustracçom de propaganda que se dispunham a colocar polas ruas do município convocando a III Cadeia Humana pola Liberdade dos Presos Independentistas Galegos.

16/07/2010 - Por terceiro ano consecutivo o Organismo Popular Anti-repressivo CEIVAR organiza a Cadeia Humana pola liberdade dos presos independentistas galegos. Como noutros anos Ceivar procura achegar de primeira mao nas ruas da capital galega a situaçom dos presos independentistas galegos. A condiçom de militantes políticos encarcerados polo seu compromisso coa libertaçom nacional e social do Povo Galego, a situaçom de dispersom penitenciária a centos de quilómetros da Galiza, os maltratos e degradaçons que sofrem por parte do sistema carcerário por defenderem a independência e o socialismo, os casos de tortura que tenhem padecido alguns deles serám os eixos sobre os que pivotará o discurso de Ceivar nesta III Cadeia humana. Para além da denúncia destas violaçons de direitos humanos e do reclamo de liberdades democráticas, a reivindicaçom da liberdade de todos eles figurará como reclamaçom central do acto.

10/06/2010 - Resulta enganoso reduzir as responsabilidades da repressom contra os movimentos políticos e sociais a aqueles corpos policiais ou militares que fisicamente repremem, esquecendo que a repressom é planificada e avalada por delegado e subdelegados do governo e auspiciada e dirigida polo “Ministerio del Interior”. Quer dizer, por políticos ao mando de corpos repressivos. Através desta iniciativa Ceivar procura situar aos cargos governamentais das instituiçons espanholas na Galiza no lugar que lhe corresponde.

08/06/2010 - No dia de onte o militante independentista Óscar Sanches Branco comparecia na Audiencia Nacional para enfrentar o julgamento pola sua implicaçom numha acçom armada frustrada em Janeiro deste ano.